ਮਲੇਰਕੋਟਲਾ, 18 ਨਵੰਬਰ (ਬਿਉਰੋ): ਸ੍ਰੀ ਸਨਾਤਨ ਧਰਮ ਮਹਾਂਵੀਰ ਦਲ ਅਤੇ ਸਨਾਤਨ ਧਰਮ ਪ੍ਰਤੀਨਿਧੀ ਸਭਾ ਵੱਲੋਂ ਕਰਵਾਏ ਗਏ ਕਰਤੱਵਿਆ ਨਿਸ਼ਠਾ ਸਨਮਾਨ ਸਮਾਰੋਹ ਵਿੱਚ ਉਤਰਾਖੰਡ, ਦਿੱਲੀ, ਯੂਪੀ, ਹਰਿਆਣਾ, ਰਾਜਸਥਾਨ, ਹਿਮਾਚਲ ਪ੍ਰਦੇਸ, ਜੰਮੂ ਕਸ਼ਮੀਰ, ਚੰਡੀਗੜ੍ਹ ਅਤੇ ਪੰਜਾਬ ਤੋਂ ਸਨਾਤਨ ਪ੍ਰੇਮੀਆਂ ਨੇ ਸ਼ਿਰਕਤ ਕੀਤੀ । ਇਸ ਸਮਾਰੋਹ ਵਿੱਚ ਪੰਜਾਬ ਦੇ ਰਾਜਪਾਲ ਸ੍ਰੀ ਗੁਲਾਬ ਚੰਦ ਕਟਾਰੀਆ ਨੇ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਣਾ ਸੀ ਪਰੰਤੂ ਰਾਜਪਾਠ ਦੇ ਰੁਝੇਵਿਆਂ ਕਾਰਣ ਨਹੀਂ ਪਹੁੰਚ ਸਕੇ । ਇਸ ਸਮਾਰੋਹ ਵਿੱਚ ਸਾਬਕਾ ਸੰਸਦ ਮੈਂਬਰ ਅਵਿਨਾਸ਼ ਰਾਏ ਖੰਨਾ, ਵਿਧਾਇਕ ਜਸਵੰਤ ਸਿੰਘ ਗੱਜਣਮਾਜਰਾ, ਰਿਟਾ, ਡਿਪਟੀ ਕਮਿਸ਼ਨਰ ਗੁਰਲਵਲੀਨ ਸਿੰਘ ਸਿੱਧੂ, ਸਨਾਤਨ ਧਰਮ ਪ੍ਰਤੀਨਿਧੀ ਸਭਾ ਦੇ ਰਾਸ਼ਟਰੀ ਪ੍ਰਧਾਨ ਡਾ. ਦੇਸ਼ ਬੰਧੂ ਜੀ, ਸਭਾ ਦੇ ਕਾਰਜਕਾਰੀ ਪ੍ਰਧਾਨ ਆਈ ਐਮ ਗੋਸਵਾਮੀ, ਗੁਰਦੀਪ ਸ਼ਰਮਾ, ਅਰੁਣ ਸ਼ਰਮਾ, ਵਿਨੋਦ ਸ਼ੈਨੀ, ਸਨਾਤਨ ਧਰਮ ਦੇ ਮਹਾਂਮੰਤਰੀ ਜਨਕ ਰਾਜ ਬਾਵਾ, ਸਤਵੰਤ ਸਿੰਘ ਸੂਦਨ, ਪ੍ਰੇਮ ਪਾਰਿਕ, ਕੈਸ਼ੀਅਰ ਸੁਭਾਸ਼ ਖੂੰਗਰ, ਕਾਰਜਕਾਰੀ ਪ੍ਰਧਾਨ ਰਾਜਨ ਗਰਗ ਨੇ ਸ਼ਿਰਕਤ ਕਰਕੇ ਸਮਾਰੋਹ ਦੀ ਸ਼ੋਭਾ ਵਧਾਈ । ਮਹਾਂਵੀਰ ਦਲ ਦੇ ਰਾਸ਼ਟਰੀ ਪ੍ਰਧਾਨ ਮਹੰਤ ਸਵਰੂਪ ਬਿਹਾਰੀ ਸ਼ਰਨ ਨੇ ਹਾਜ਼ਰੀਨ ਦਾ ਹਾਰਦਿਕ ਸਵਾਗਤ ਕੀਤਾ ।
ਇਸ ਸ਼ਾਨਦਾਰ ਸਮਾਰੋੋਹ ਵਿੱਚ ਮਾਨਵਤਾ ਦੀ ਸੇਵਾ ਲਈ ਇਲਾਕੇ ਦੇ ਨੌਜਵਾਨ ਵਕੀਲ ਭੀਸ਼ਮ ਕਿੰਗਰ ਨੂੰ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ । ਜ਼ਿਕਰਯੋਗ ਹੈ ਕਿ ਐਡਵੋਕੇਟ ਭੀਸ਼ਮ ਕਿੰਗਰ ਨੇ ਇੱਕ ਜਨ ਪਟੀਸ਼ਨ ਦਾਇਰ ਜਿੱਥੇ ਕਰਕੇ ਪੰਜਾਬ ਦੇ ਹੈਲਥ ਸਿਸਟਮ ਦੇ ਖੋਖਲੇਪਣ ਦਾ ਭਾਂਡਾ ਭੰਨਿਆ ਕਿ ਪੰਜਾਬ ਵਿੱਚ ਡਾਕਟਰਾਂ ਦੀਆਂ 50 ਪ੍ਰਤੀਸ਼ਤ ਅਸਾਮੀਆਂ ਖਾਲੀ ਹਨ ਉੱਥੇ ਹੀ ਆਪਣੇ ਇਲਾਕੇ ਮਲੇਰਕੋਟਲਾ ਦਾ ਸਿਵਲ ਹਸਪਤਾਲ ਜੋ ਲੰਬੇ ਅਰਸੇ ਤੋਂ ਡਾਕਟਰਾਂ ਦੀ ਘਾਟ ਨਾਲ ਜੂਝ ਰਿਹਾ ਸੀ, ਵਿੱਚ ਦਰਜਨਾਂ ਡਾਕਟਰ ਲਿਆਂਦੇ । ਵਕੀਲ ਭੀਸ਼ਮ ਕਿੰਗਰ ਦੀ ਇਸ ਰਿਟ ਵਿੱਚ ਮਾਣਯੋਗ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਨੇ ਪੰਜਾਬ ਦੇ ਨਾਲ-ਨਾਲ ਹਰਿਆਣਾ ਅਤੇ ਚੰਡੀਗੜ੍ਹ ਨੂੰ ਵੀ ਸ਼ਾਮਲ ਕਰ ਲਿਆ ਅਤੇ ਡਾਕਟਰਾਂ ਦੀ ਘਾਟ ਅਤੇ ਐਮਆਰਆਈ ਜਾਂ ਸਕੈਨ ਸੈਂਟਰ ਦੀ ਘਾਟ ਨੂੰ ਪੂਰਾ ਕਰਨ ਦੇ ਹੁਕਮ ਜਾਰੀ ਕੀਤੇ । ਇਸ ਤੋਂ ਇਲਾਵਾ ਐਡਵੋਕੇਟ ਭੀਸ਼ਮ ਕਿੰਗਰ ਨੇ ਬਿਨ੍ਹਾਂ ਕੋਈ ਫੀਸ ਲਏ ਅਨੇਕਾਂ ਜਨਹਿੱਤ ਦੀਆਂ ਪਟੀਸ਼ਨਾਂ ਹਾਈਕੋਰਟ ਵਿੱਚ ਦਾਇਰ ਕਰਕੇ ਸਮਾਜ ਦੇ ਵੱਖ-ਵੱਖ ਵਰਗਾਂ ਨੂੰ ਰਾਹਤ ਦਿਲਵਾਈ ਅਤੇ ਉਹਨਾਂ ਦਾ ਹਰ ਵਰਗ ਦੇ ਲੋਕਾਂ ਲਈ ਐਲਾਨ ਹੈ ਕਿ ਕੋਈ ਵੀ ਜਨਹਿੱਤ ਦਾ ਕੇਸ ਉਹ ਬਿਨ੍ਹਾਂ ਕਿਸੇ ਫੀਸ ਤੋਂ ਕਰਨਗੇ।
ਫੋਟੋ ਕੈਪਸ਼ਨ: ਮਲੇਰਕੋਟਲਾ ਵਿਖੇ ਕਰਵਾਏ ਗਏ ਕਰਤੱਵਿਆ ਨਿਸ਼ਠਾ ਸਨਮਾਨ ਸਮਾਰੋਹ ਵਿੱਚ ਮਹਿਮਾਨਾਂ ਤੋਂ ਸਨਮਾਣ ਪ੍ਰਾਪਤ ਕਰਦੇ ਹੋਏ ਵਕੀਲ ਭੀਸ਼ਮ ਕਿੰਗਰ ।