ਗਾਜ਼ਾ ਪੱਟੀ/ਮਲੇਰਕੋਟਲਾ, 09 ਅਕਤੂਬਰ (ਬਿਉਰੋ): ਅੱਜਕਲ ਸਮੁੱਚਾ ਵਿਸ਼ਵ ਯੁੱਧ ਦੇ ਰੰਗ ਵਿੱਚ ਰੰਗਿਆ ਨਜ਼ਰ ਆ ਰਿਹਾ ਹੈ । ਕਈ ਮਹੀਨਿਆਂ ਤੋਂ ਰੂਸ-ਯੂਕਰੇਨ ਯੁੱਧ ਚੱਲ ਰਿਹਾ ਸੀ । ਉਹ ਅਜੇ ਪੂਰੀ ਤਰ੍ਹਾਂ ਰੁੱਕਿਆ ਵੀ ਨਹੀਂ ਸੀ ਕਿ ਫਲਸਤੀਨ-ਇਸਰਾਈਲ ਯੁੱਧ ਸ਼ੁਰੂ ਹੋ ਗਿਆ । ਇਸ ਯੁੱਧ ਨੇ ਸਾਰੀ ਦੁਨੀਆ ਨੂੰ ਆਪਣੇ ਲਪੇਟ ਵਿੱਚ ਲੈ ਲਿਆ ਹੈ । ਕੁਝ ਦੇਸ਼ ਤਾਂ ਯੁੱਧ ਵਿੱਚ ਦੋਵਾਂ ਦੇਸ਼ਾਂ ਦਾ ਸਿੱਧੇ ਤੌਰ ਤੇ ਸਾਥ ਦੇ ਰਹੇ ਹਨ ਅਤੇ ਕੁਝ ਲੁਕਵੇਂ ਢੰਗ ਨਾਲ ਆਪਣੇ ਸਬੰਧ ਚੰਗੇ ਰੱਖਣ ਅਤੇ ਰਾਜਸੀ ਲਾਭ ਲਈ ਆਪਣਾ ਸਮਰਥਨ ਜਤਾ ਰਹੇ ਹਨ । ਜਿਸ ਤਰ੍ਹਾਂ ਦੀ ਕੌਮਾਂਤਰੀ ਪੱਧਰ ‘ਤੇ ਬਿਆਨਬਾਜ਼ੀ ਚੱਲ ਰਹੀ ਇਸ ਤੋਂ ਲੱਗ ਰਿਹੈ ਕਿ ਕਿਤੇ ਇਹ ਵਿਸ਼ਵ ਯੁੱਧ ਦੀ ਸ਼ਕਲ ਹੀ ਨਾ ਲੈ ਜਾਵੇ । ਬੀਤੇ ਸ਼ਨੀਵਾਰ ਨੂੰ ਫਲਸਤੀਨ ਦੇ ਲੜਾਕੇ ਹਮਾਸ ਸਮੂਹ ਨੇ ਇਜ਼ਰਾਈਲ ਤੇ ਜ਼ੋਰਦਾਰ ਹਮਲਾ ਕੀਤਾ ਜਿਸ ਵਿੱਚ ਇਜ਼ਰਾਈਲ ਦਾ ਜਿੱਥੇ ਭਾਰੀ ਜਾਨੀ ਅਤੇ ਮਾਲੀ ਨੁਕਸਾਨ ਹੋਇਆ, ਇਸ ਦੇ ਸੈਨਿਕਾਂ ਨੂੰ ਵੀ ਬੰਧਕ ਬਣਾ ਲਿਆ ਗਿਆ ਉੱਥੇ ਹੀ ਦੁਨੀਆ ਭਰ ਵਿੱਚ ਇਜ਼ਰਾਈਲ ਦੀ ਸ਼ਾਖ ਵੀ ਧੂਮਿਲ ਹੋ ਗਈ । ਇਜ਼ਰਾਈਲ ਦਾ ਅਕਸ਼ ਕੁਝ ਇਸ ਤਰ੍ਹਾਂ ਦਾ ਬਣਿਆ ਹੋਇਆ ਸੀ ਕਿ ਉਹ ਸੁਰੱਖਿਆ ਪੱਖੋਂ ਵਿਸ਼ਵ ਦਾ ਸਭ ਤੋਂ ਐਡਵਾਂਸ ਦੇਸ਼ ਹੈ, ਜਿਸ ਨੂੰ ਕੋਈ ਚੈਲਿੰਜ ਨਹੀਂ ਕਰ ਸਕਦਾ । ਪਰੰਤੂ ਹਮਾਸ ਸਮੂਹ ਦੇ ਹਮਲੇ ਨੇ ਕੌਮਾਂਤਰੀ ਪੱਧਰ ‘ਤੇ ਇਜ਼ਰਾਈਲ ਦੀ ਸਾਰੀ ਆਕੜ ਕੁਝ ਕੁ ਮਿੰਟਾਂ ਵਿੱਚ ਢਾਹ ਦਿੱਤੀ । ਹਮਾਸ ਸਮੂਹ ਦੇ ਹਮਲੇ ਤੋਂ ਬਾਦ ਇਜ਼ਰਾਈਲ ਨੇ ਵੀ ਫਲਸਤੀਨ ਦੇ ਗਾਜ਼ਾ ਪੱਟੀ ਇਲਾਕੇ ਵਿੱਚ ਭਿਆਨਕ ਹਮਲੇ ਸ਼ੁਰੂ ਕਰ ਦਿੱਤੇ ਹਨ ਜਿਸ ਵਿੱਚ ਵੱਡਾ ਜਾਨੀ ਅਤੇ ਮਾਲੀ ਨੁਕਸਾਨ ਹੋਇਆ ਹੈ ।
ਵਿਸ਼ਵ ਪ੍ਰਸਿੱਧ ਮੀਡੀਆ ਅਦਾਰੇ “ਅਲ ਜਜ਼ੀਰਾ” ਦੇ ਪੱਤਰਕਾਰ ਟੇਡ ਰੀਜੇਂਸੀਆ, ਵਰਜੀਨੀਆ ਪੀਟਰੋਮਾਰਚੀ ਅਤੇ ਉਮਟ ਉਰਸ ਦੀ ਰਿਪੋਟਰ ਅਨੁਸਾਰ
- ਇਜ਼ਰਾਈਲ ਨੇ ਫਿਲਸਤੀਨੀ ਹਮਾਸ ਸਮੂਹ ਦੇ ਖਿਲਾਫ ਰਸਮੀ ਤੌਰ ‘ਤੇ ਜੰਗ ਦਾ ਐਲਾਨ ਕਰਨ ਤੋਂ ਬਾਅਦ ਲਗਾਤਾਰ ਦੂਜੀ ਰਾਤ ਘੇਰਾਬੰਦੀ ਕੀਤੀ ਗਾਜ਼ਾ ਪੱਟੀ ‘ਤੇ ਗੋਲਾਬਾਰੀ ਕੀਤੀ। ਇਸ ਦੀ ਫੌਜ ਦਾ ਕਹਿਣਾ ਹੈ ਕਿ ਗਾਜ਼ਾ ਦੇ ਨੇੜੇ ਲਗਭਗ 100,000 ਰਿਜ਼ਰਵ ਸੈਨਿਕ ਇਕੱਠੇ ਹੋ ਗਏ ਹਨ ।
- ਦੱਖਣੀ ਇਜ਼ਰਾਈਲ ਦੇ ਘੱਟੋ-ਘੱਟ ਤਿੰਨ ਖੇਤਰਾਂ ਵਿੱਚ ਹਮਾਸ ਦੇ ਬੰਦੂਕਧਾਰੀਆਂ ਅਤੇ ਇਜ਼ਰਾਈਲੀ ਫੌਜਾਂ ਵਿਚਕਾਰ ਭਿਆਨਕ ਲੜਾਈ ਜਾਰੀ ਹੈ, ਜਿਸ ਵਿੱਚ ਕਰਮੀਆ ਵਿੱਚ ਇੱਕ ਕਿਬੁਟਜ਼ (ਕੰਮ ਦੀ ਫਿਰਕੂ ਥਾਂ) ਅਤੇ ਅਸ਼ਕੇਲੋਨ ਅਤੇ ਸਡੇਰੋਟ ਸ਼ਹਿਰਾਂ ਵਿੱਚ ਵੀ ਸ਼ਾਮਲ ਹੈ।
- ਸਿਹਤ ਅਧਿਕਾਰੀਆਂ ਅਨੁਸਾਰ ਤਾਜ਼ਾ ਮੌਤਾਂ ਦੀ ਗਿਣਤੀ 413 ਫਿਲਸਤੀਨੀ ਹੈ, ਅਤੇ ਮੀਡੀਆ ਰਿਪੋਰਟਾਂ ਅਨੁਸਾਰ 700 ਤੋਂ ਵੱਧ ਇਜ਼ਰਾਈਲੀ ਹਨ।
- ਹਮਾਸ ਅਤੇ ਫਲਸਤੀਨੀ ਇਸਲਾਮਿਕ ਜੇਹਾਦ ਨੇ ਕਿਹਾ ਕਿ ਉਨ੍ਹਾਂ ਨੇ ਗਾਜ਼ਾ ਦੇ ਅੰਦਰ 130 ਤੋਂ ਵੱਧ ਲੋਕਾਂ ਨੂੰ ਬੰਦੀ ਬਣਾ ਲਿਆ ਹੈ ।
- ਹਮਾਸ ਦਾ ਹੈਰਾਨੀਜਨਕ ਹਮਲਾ ਹਾਲ ਹੀ ਦੇ ਦਿਨਾਂ ਵਿੱਚ ਇਜ਼ਰਾਈਲੀ ਵਸਨੀਕਾਂ ਵੱਲੋਂ ਅਲ-ਅਕਸਾ ਮਸਜਿਦ ਦੇ ਅਹਾਤੇ ‘ਤੇ ਹਮਲਾ ਕਰਨ ਅਤੇ ਹਾਲ ਹੀ ਦੇ ਮਹੀਨਿਆਂ ਵਿੱਚ ਇਜ਼ਰਾਈਲ ਦੁਆਰਾ ਰਿਕਾਰਡ ਗਿਣਤੀ ਵਿੱਚ ਫਲਸਤੀਨੀਆਂ ਦੇ ਮਾਰੇ ਜਾਣ ਤੋਂ ਬਾਅਦ ਆਇਆ ਹੈ।ਹਮਾਸ ਦੀਆਂ ਸਮਰੱਥਾਵਾਂ ਨੂੰ ‘ਨਾਸ਼’ ਕਰਨ ਲਈ ਏਅਰ ਫੋਰਸ ਨੇ ਗਾਜ਼ਾ ਨੂੰ ਰਾਤੋ-ਰਾਤ ਪਾਊਂਡ ਕੀਤਾ ।